Ի.Ալիև. Հայաստանն  օկուպացված է պահում Ադրբեջանի տարածքի 20 տոկոսը

Կիրակի օրը անցկացված կառավարության նիստում  Ադրբեջանի ղեկավար Իլհամ Ալիևը նշել է, որ Ադրբեջանի տնտեսությունը դինամիկ զարգանում է, այս տարվա առաջին եռամսյակում 2․5 տոկոս տնտեսական աճ է գրանցվել: Բանկերում քաղաքացիների ավանդները աճել են 20 տոկոսով, աշխատավարձը միջին չափով բարձրացել է 7 տոկոսով, ավելացել են արտարժութային պահուստները, որոնք հիմա կազմում են 53 միլիարդ դոլար, արտաքին պարտքը կազմում է համախառն ներքին արդյունքի 8 տոկոսը, երկրի բնակչությունը դարձել է 9 միլիոն 500 հազար մարդ, փոխանցել է Ադրբեջանի նախագահը:
 Ղեկավար Իլհամ Ալիևն անցկացված կառավարության նիստում  ասել է, որ Ղարաբաղի խնդրի կարգավորման միջնորդների լավատեսությունը չարդարացավ:

Ադրբեջանի նախագահ Ալիևը, ելույթ ունենալով այս տարվա առաջին երեք ամիսների արդյունքները ամփոփող կառավարության նիստում, անդրադարձել է նաև Ղարաբաղի խնդրին՝ նշելով, թե այս եռամսյակում Ղարաբաղի խնդրի կարգավորման գործընթացում ոչ մի առաջընթաց չի գրանցվել: Չնայած միջնորդները անցած տարեվերջին որոշակի լավատեսական կարծիքներ էին հայտնում, բայց դրանք չարդարացան, ասել է Ադրբեջանի նախագահը:
Նա հայտարարել է, թե իրականում Հայաստանի դեմ վաղուց էր անհրաժեշտ միջազգային պատժամիջոցներ կիրառել, քանի որ Հայաստանը արդեն երկու տասնամյակ օկուպացված է պահում Ադրբեջանի տարածքի 20 տոկոսը», - ասել է Ի.Ալիևը:
"Այսօր մենք նորից տեսնում ենք, որ Հայաստանը պարզապես ժամանակ է ձգում, ցանկանում է պահպանել ո՛չ պատերազմ, ո՛չ խաղաղություն իրավիճակը, և, ցավոք, միջազգային հանրությունը Հայաստանի վրա լուրջ ճնշում չի գործադրում:

Թ.Կ.

"KarabakhİNFO.com"